6 Si peccaveris, quid ei nocebis ?et si multiplicatæ fuerint iniquitates tuæ, quid facies contra eum ?
7 Porro si juste egeris, quid donabis ei ?aut quid de manu tua accipiet ?
8 Homini qui similis tui est, nocebit impietas tua :et filium hominis adjuvabit justitia tua.
9 Propter multitudinem calumniatorum clamabunt,et ejulabunt propter vim brachii tyrannorum.
10 Et non dixit : Ubi est Deus qui fecit me,qui dedit carmina in nocte ;
11 qui docet nos super jumenta terræ,et super volucres cæli erudit nos ?
12 Ibi clamabunt, et non exaudiet,propter superbiam malorum.