26 Ecce Deus magnus vincens scientiam nostram :numerus annorum ejus inæstimabilis.
27 Qui aufert stillas pluviæ,et effundit imbres ad instar gurgitum,
28 qui de nubibus fluuntquæ prætexunt cuncta desuper.
29 Si voluerit extendere nubes quasi tentorium suum,
30 et fulgurare lumine suo desuper,cardines quoque maris operiet.
31 Per hæc enim judicat populos,et dat escas multis mortalibus.
32 In manibus abscondit lucem,et præcepit ei ut rursus adveniat.