2 Тој е жртва помирница за нашите гревови; не само за нашите, туку и за гревовите на целиот свет.
3 И по тоа знаеме дека сме Го познале, ако ги пазиме Неговите заповеди.
4 Кој вели: „Го познав”, а не ги пази Неговите заповеди, лажец е и вистината не е во него.
5 А кој го пази Неговото слово, во него, навистина, љубовта кон Бога стигнала до совршенство. По тоа знаеме дека сме во Него.
6 Кој вели дека останува во Него, тој треба да оди, како што одеше Тој.
7 Возљубени, не ви пишувам нова заповед, туку старата заповед, што ја примивте од почеток; старата заповед е словото, што сте го чуле.
8 Но сепак ви пишувам нова заповед; - и тоа е вистинско и во Него и во вас - зашто темнината поминува, а вистинската светлина веќе свети.