11 Аса правеше што е право во очите на Гопода, како и неговиот прататко Давид.
12 Ги протера од земјата „посветените блудници” и ги отстрани сите кипови што ги беа направиле неговите татковци,
13 самиот ја отстрани својата баба Мака да не биде царица, зашто и беше направила гад на Ашера. Аса го исече нејзиниот гад и го спали во потокот Кедрон.
14 Ама високите места не беа уништени; сепак Асиното срце Му беше приврзано на Господа за време на сиот негов живот.
15 Ги внесе во Господовиот Дом посветените дарови на татка си и своите: сребро, злато и садови.
16 Имаше војна меѓу Аса и Васа, израелскиот цар, во сите нивни денови.
17 Израелскиот цар Васа нападна на Јудеја и почна да ја утврдува Рама, за да му го спречи секое движење на јудејскиот цар Аса.