12 во Кого, преку верата во Него, имаме слобода да се доближуваме со доверба.
13 Поради тоа, ве молам, не паѓајте со духот пред моите маки заради вас, кои се ваша слава.
14 Затоа ги преклонувам колената свои пред Отецот на нашиот Господ Исус Христос,
15 од Кого се именува секој род на небесата и на земјата,
16 да ви даде, по богатството на Својата слава, сила да се утврдите преку Неговиот Дух во внатрешниот човек,
17 и преку верата Христос да се всели во срцата ваши,
18 та вкоренети и утврдени во љубовта да можете да разбирате со сите светии што е ширина и должина, што е длабочина и височина,