1 ‘Ua o‘o i le aso tolu, ‘ona fai ai lea o le tausama‘aga i Kana i Kalilaia; sa i ai fo‘i le tinā o Iesu.
2 Na vala‘aulia fo‘i Iesu ma ona so‘o i le tausama‘aga.
3 ‘Ua uma fo‘i le uaina, ‘ona fai atu lea o le tinā o Iesu ‘iā te ia, “‘Ua leai sa latou uaina.”
4 ‘Ua fetalai mai Iesu ‘iā te ia, “Funa e, se a ‘ea se mea ‘ua e mana‘o mai ai ‘iā te a‘u? E le‘i o‘o i lo‘u itū aso.”
5 ‘Ua fai ane lona tinā i ‘au‘auna, “O se mea lava e fai mai ai o ia ‘iā te ‘outou, ‘ia ‘outou faia.”
6 Sa i ai vai ma‘a tetele e ono, e ta‘iluasefulu po ta‘itolusefulu kalone, pei o le tu o le fa‘amamāina o Iutaia.