55 E le‘i iloa fo‘i o ia e ‘outou, a ‘ua ‘ou iloa lava o ia; ‘āfai fo‘i ‘ou te fai atu, ‘ua ‘ou lē iloa lava o ia, ‘ona ‘avea lea o a‘u o le pepelo, e pei o ‘outou; peita‘i ‘ua ‘ou iloa lava o ia, ‘ou te tausi fo‘i i lana afioga.
56 O Aperaamo lo ‘outou tamā, na matuā fiafia o ia auā sa va‘ai o ia i lo‘u aso, na va‘ai o ia ma ‘oli‘oli ai.”
57 ‘Ona fa‘apea mai lea o Iutaia ‘iā te ia, “E le‘i o‘o i le lima sefulu o ou tausaga, po ‘ua e iloa ‘ea Aperaamo?”
58 ‘Ua fa‘apea mai Iesu ‘iā te i latou, “E moni, e moni, ‘ou te fai atu ‘iā te ‘outou, o a‘u o lē ola a o le‘i ola mai Aperaamo.”
59 ‘Ona latou fetāgofi lea i ma‘a e fetogi ‘iā te ia. ‘Ona lafi lea o Iesu, ‘ua ulufafo i le malumalu.#