1 ‘Ona ‘auina lea a latou savali e tupu ma ta‘imua o ‘a‘ai ma itūmālō uma ia, o Suria Mesopotamia ma Suria Sopa, o Lipua ma Kilikia, ‘ua latou ō mai ‘iā Holofene ma le fa‘apea mai:
2 ‘Ia gau lou to‘asā ‘iā i matou, auā e lelei pe a matou ola ma ‘au‘auna atu ‘iā Nepukanesa, le tupu sili, ma ‘ana‘ana ‘iā te oe, ‘ae leaga pe ā oti i matou ma tali i lo matou oti le fa‘asalaga o lo matou nofo pologa.
3 O matou ‘a‘ai uma ma a matou mea uma, o mauga ma mea maupu‘epu‘e ma vaimauga uma, o lafu povi, lafu mamoe ma ‘oti, o solofanua ma kamela, o a matou ‘oloa uma lava ma o matou ‘āiga o lo‘o i ou luma.
4 ‘Ia tu i lau pule a matou mea uma;
5 o i matou ma o matou fānau, o au ‘au‘auna i matou.
6 ‘Ia e sau ‘iā te i matou i le pule fīfīmalie, ma e fa‘aaogā la matou ‘au‘aunaga e tusa ma lou loto malie.