3 Le yena a ya ka mehlala ya marena a Iseraele, hape a tjhesa mora hae mollong, ka mokgwa wa manyala a ditjhaba, tseo Jehova a neng a di leleke pela bana ba Iseraele;
4 a nna a hlaba mahlabelo, a tjhesa dibano nqalong tse diphahameng, le maralleng, le tlasa difate tsohle tse tala.
5 Yaba Retsine, morena wa Siria, le Peka mora Remalia, morena wa Iseraele, ba futuhela Jerusalema, ba thibella Akase teng, ba mpa ba sitwa ho mo hlola.
6 Ebile moo Retsine, morena wa Siria, a boelang a hapela Siria Elathe, a leleka Bajuda Elathe, mme Basiria ba tla Elathe, ba aha teng ho fihlela kajeno.
7 Ebile Akase o romela manqosa ho Tiglathe-Pilesere, morena wa Assiria, a re: Ke mohlanka wa hao le mora hao; tloo, o nnamolele matsohong a morena wa Siria le matsohong a morena wa Iseraele, ba ntsohetseng matla.
8 Akase a nka silefera le kgauta tseo a di fumaneng ka tlung ya Jehova le bobolokelong ba ntlo ya marena, a di romela ho morena wa Assiria ka mokgwa wa nyehelo.
9 Morena wa Assiria a mo utlwa; morena wa Assiria a fela a futuhela Damaseka, a o kena, mme a isa ba teng Kire kgolehong, a bolaya le Retsine.