13 کیونکہ سب پہلوٹھے میرے ہیں اِس لِئے کہ جِس دِن مَیں نے مُلکِ مِصر میں سب پہلوٹھوں کو مارا اُسی دِن مَیں نے بنی اِسرائیل کے سب پہلوٹھوں کو کیا اِنسان اور کیا حَیوان اپنے لِئے مُقدّس کِیا سو وہ ضرُور میرے ہوں ۔ مَیں خُداوند ہُوں۔
14 پِھر خُداوند نے دشتِ سِینا میں مُوسیٰ سے کہا۔
15 بنی لاوی کو اُن کے آبائی خاندانوں اور گھرانوں کے مُطابِق شُمار کر یعنی ایک مہِینے اور اُس سے اُوپر اُوپر کے ہر لڑکے کو گِننا۔
16 چُنانچہ مُوسیٰ نے خُداوند کے حُکم کے مُطابِق جو اُس نے اُسے دِیا اُن کو گِنا۔
17 اور لاوی کے بیٹوں کے نام یہ ہیں ۔ جیرسون اور قہات اور مرار ی۔
18 جیرسون کے بیٹوں کے نام جِن سے اُن کے خاندان چلے یہ ہیں ۔ لِبنی اور سِمعی۔
19 اور قہات کے بیٹوں کے نام جِن سے اُن کے خاندان چلے عَمرا م اور اِضہار اور حبرُو ن اور عُزّی ایل ہیں۔