1 Mor brydferth yw dy draed mewn sandalau. O ferch y tywysog!Y mae dy gluniau lluniaidd fel gemauo waith crefftwr medrus.
2 Y mae dy fogail fel ffiol gronnad yw byth yn brin o win cymysg;y mae dy fol fel pentwr o wenithwedi ei amgylchynu gan lilïau.
3 Y mae dy ddwy fron fel dwy elain,gefeilliaid ewig.
4 Y mae dy wddf fel tŵr ifori,a'th lygaid fel y llynnoedd yn Hesbon,ger mynedfa Bath-rabbim;y mae dy drwyn fel tŵr Lebanon,sy'n edrych i gyfeiriad Damascus.
5 Y mae dy ben yn ymddangos fel Carmela gwallt dy ben fel porffor,a brenin wedi ei garcharu yn y plethi.
6 Mor brydferth, mor hardd wyt,fy anwylyd, y fwyaf dymunol.
7 Y mae dy gorff fel palmwydden,a'th fronnau fel clwstwr o'i ffrwythau.