12 Joaxen gainerako jarduerak, egin zuen guztia, ekintza bizkorrak eta Judako errege Amatziasen aurkako borroka «Israelgo Erregeen Kronika» liburuan daude idatziak.
13 Joax hil zenean, Jeroboam jarri zen errege-aulkian. Joax Samarian ehortzi zuten, Israelgo erregeen ondoan.
14 Eliseo gaixotu zelarik, gero heriotzara eramango zuen eritasunez gaixotu ere, Israelgo errege Joaxek ikustera joan eta, haren aurrean negarrez, esan zion:—Ene aita, ene aita, Israelen zaintzaile indartsua!
15 Eliseok agindu zion:—Har itzazu uztaia eta geziak.Hartu zituenean,
16 Eliseok berriro Israelgo erregeari:—Tenka ezazu uztaia.Erregeak uztaia tenkatu zuenean, Eliseok erregearen eskuen gainean bereak ezarri
17 eta esan zion:—Ireki ekialdeko leihoa.Erregeak leihoa irekitzean, Eliseok agindu zion:—Jaurti!Eta erregeak gezia jaurti zuenean, Eliseok esan zuen:—Jaunaren garaipen-gezia! Siriarren kontrako garaipen-gezia! Suntsitzeraino hondatuko dituzu siriarrak Afeken.
18 Eta esan zion, gainera:—Har itzazu geziak!Hartu zituenean, Eliseok esan zion Israelgo erregeari:—Jo orain lurra!Hiru bider jo eta gelditu egin zen erregea.