Epaileak

¹⁴Lehira heldu zenean, filistearrak bidera atera zitzaizkion, pozez oihuka. Baina Jaunaren espirituak Samson hartu zuelarik, suak erretako liho-hariak bezalako bihurtu ziren Samsoni besoak lotzen zizkioten sokak eta eten egin zitzaizkion eskuetako lokarriak. ¹⁵Aurkitu zuen, orduan, hil berria zen asto baten matrailezurra, hartu eta mila gizon hil zituen Samsonek matrailezurraz. ¹⁶Eta esan zuen:«Asto-matrailezurrazederki astindu ditut,asto-matrailezurrazmila gizon hil ditut». ¹⁷Hori esanik, jaurti egin zuen matrailezurra, eta toki hari Ramat-Lehi izena ezarri zion. ¹⁸Samsonek egarri handia sumatu zuen; Jaunari dei egin eta esan zion: «Garaipen handi hau eman ondoren, egarriak hiltzen utziko ote nauzu eta jentil arrotz horien esku erortzen?» ¹⁹Orduan, Jainkoak Lehin dagoen zuloa ebaki zuen eta ura atera zen. Edan ondoren, arnasberritu eta indartu egin zen Samson. Iturri hari En-Kore izena ezarri zioten. Han dago Lehin gaur arte. ²⁰Samsonek hogei urtez gobernatu zuen Israel, filistearren garaian.