2 Sambatra izay mitandrina ny teni-vavolombelony Ka mitady Azy amin'ny fo rehetra;
3 Eny, Izay tsy manao ratsy. Fa mandeha araka ny lalany.
4 Hianao namoaka ny didinao Mba hotandremana tsara.
5 Enga anie ka ho tafatoetra ny lalako Hitandremako ny didinao!
6 Dia tsy ho menatra aho, Raha mandinika ny didinao rehetra.
7 Hidera Anao amin'ny hitsim-po aho Amin'ny ianarako ny fitsipikao marina.
8 Ny didinao no hotandremako; Aza dia mahafoy ahy Hianao.