96 Efa hitako fa manam-pahataperana avokoa ny tanteraka rehetra; Malalaka indrindra ny didinao.
97 Endrey ny fitiavako ny lalànao! Fisaintsainako mandrakariva izany.
98 Ny didinao mampahahendry ahy mihoatra noho ny fahavaloko, Satria ato amiko mandrakizay ireny.
99 Hendry noho ny mpampianatra ahy rehetra aho, Satria ny teni-vavolombelonao no fisaintsainako.
100 Hendry noho ny anti-panahy aho, Satria ny didinao no notandremako.
101 Efa narovako ny tongotro tsy ho amin'izay lalàn-dratsy, Mba hitandremako ny teninao.
102 Tsy mba miala amin'ny fitsipikao aho; Fa Hianao no mampianatra ahy.