23 А и тие, ако не останат во неверието, ќе бидат прикалемени, зашто Бог може пак да ги прикалеми.
24 Зашто, ако си ти отсечен од природната дива маслинка и, против природата - си прикалемен на питомата маслинка, колку полесно ќе бидат прикалемени врз сопствената маслинка оние, кои и се природни.
25 Не сакам, браќа, да ви остане непозната оваа тајна, за да не мудрувате по своја мудрост: еден дел на Израел закораве, додека народите не влезат во полн број.
26 И така, целиот Израел ќе се спаси, како што е напишано: „Избавителот ќе дојде од Сион; ќе ја одврати безбожноста од Јакова.
27 И ова им е Завет од Мене кон нив, кога ќе им ги отстранам гревовите.”
28 Со оглед на Евангелието, тие се непријатели заради вас, но по изборот возљубени се, заради татковците.
29 Зашто Божјите дарови и Неговиот позив не го познаваат каењето.