1 ‘Ua uma ‘ona ati o le pā, ‘ua fa‘atūina fo‘i puipui, ‘ua tofia fo‘i leoleo faitoto‘a, ma ē pepese, ma sa Levī.
2 ‘Ona ‘ou tu‘uina atu lea ‘iā Hanani lo‘u uso, ma Hanania le ali‘i e pule i le ‘olo, e pule i Ierusalema; auā o le tagata fa‘amaoni, ‘ua sili fo‘i lona mata‘u i le Atua i lo le to‘atele.
3 ‘Ua ‘ou fai atu fo‘i ‘iā te i lā‘ua, “‘Aua ne‘i tatalaina faitoto‘a o Ierusalema se‘ia vevela le lā; ‘ia latou puipui fo‘i i faitoto‘a ma fa‘amau ai a o la tutū ai, ma ‘ia tofia leoleo o ē nonofo i Ierusalema, ta‘ito‘atasi i lona leoleoga, ta‘ito‘atasi fo‘i i lona lumāfale.”
4 ‘Ua valavala fo‘i le ‘a‘ai ma le lautele, a ‘ua to‘aitiiti tagata i ai, e le‘i faia fo‘i fale.
5 Na tu‘uina mai e lo‘u Atua i lo‘u loto e fa‘apotopoto i ali‘i, ma faipule, ma le nu‘u, ‘ina ‘ia tusigafaina i latou e tusa ma o latou tupuga. Na ‘ou maua fo‘i le tusi o gafa o ē na ō a‘e i le amataga, ‘ona ‘ou iloa lea o lo‘o tusia i ai, ‘ua fa‘apea.
6 O i latou nei o tagata o le itū mālō na ō a‘e ai le tāfeaga, o le tāfeaga lea na ‘avea e Nepukanesa le tupu o Papelonia, na latou toe fo‘i mai fo‘i i Ierusalema ma Iuta, ta‘itasi i lona ‘a‘ai.
7 O ē na ō mai ma Serupapelu; o Iosua, o Neemia, o Aseraia, o Raamia, o Naamani, o Moretekai, o Pilesana, o Mesepara, o Pikevai, o Nekuma, o Paana. O le faitau aofa‘i o tagata o le nu‘u o Isaraelu;
8 o le fānauga a Parose, e lua afe e to‘aselau e to‘afitugafulu ma le to‘alua.
9 O le fānauga a Sefatia, e tolu selau e to‘afitugafulu ma le to‘alua.
10 O le fānauga a Araka, e ono selau e to‘alimagafulu ma le to‘alua.
11 O le fānauga a Pakamoapi, o le fānauga ia a Iosua ma Ioapo, e lua afe e valu selau ma le to‘asefulu ma le to‘avalu.
12 O le fānauga a Elama, e tasi le afe e lua selau ma le to‘alimagafulu ma le to‘afa.
13 O le fānauga a Satu, e valu selau e to‘afagafulu ma le to‘alima.
14 O le fānauga a Sakai, e fitu selau ma le to‘aonogafulu.
15 O le fānauga a Penui, e ono selau e to‘afagafulu ma le to‘avalu.
16 O le fānauga a Pepai, e ono selau e to‘aluafulu ma le to‘avalu.
17 O le fānauga a Asekata, e lua afe e tolu selau e to‘aluafulu ma le to‘alua.
18 O le fānauga a Atonikama, e ono selau e to‘aonogafulu ma le to‘afitu.
19 O le fānauga a Pikevai, e lua afe e to‘aonogafulu ma le to‘afitu.
20 O le fānauga a Atini, e ono selau e to‘alimagafulu ma le to‘alima.
21 O le fānauga a Atere, mai ‘iā Esekia, e to‘aivagafulu ma le to‘avalu.
22 O le fānauga a Hasumu, e tolu selau e to‘aluafulu ma le to‘avalu.
23 O le fānauga a Pesai, e tolu selau e to‘aluafulu ma le to‘afa.
24 O le fānauga a Haripa, e tasi le selau e to‘asefulu ma le to‘alua.
25 O tagata o Kipeona, e to‘aivagafulu ma le to‘alima.
26 O tagata o Peteleema ma Netopa, e tasi le selau e to‘avalugafulu ma le to‘avalu.
27 O tagata o Anatota, e tasi le selau e to‘aluafulu ma le to‘avalu.
28 O tagata o Peteasemau, e to‘afagafulu ma le to‘alua.
29 O tagata o Kiriata-iarima, o Kafira, ma Perota, e fitu selau e to‘afagafulu ma le to‘atolu.
30 O tagata Rama ma Kipea, e ono selau to‘aluafulu ma le to‘atasi.
31 O tagata o Mekemase, e tasi le selau ma le to‘aluafulu ma le to‘alua.
32 O tagata o Peteli ma Ai, e tasi le selau e to‘aluafulu ma le to‘atolu.
33 O tagata o Nepo, e to‘alimagafulu ma le to‘alua.
34 O le fānauga a le tasi Elama, e tasi le afe e lua selau e to‘alimagafulu ma le to‘afa.
35 O le fānauga a Harima, e tolu selau ma le to‘aluafulu.
36 O tagata o Ieriko, e tolu selau e fagafulu ma le to‘alima.
37 O tagata o Loto, o Hatito, ma Ono, e fitu selau e to‘aluafulu ma le to‘atasi.
38 O tagata o Senaa, e tolu afe e iva selau ma le to‘atolugafulu.
39 O le ‘au ositaulaga; o le fānauga a Ietaia o le ‘āiga o Iosua, e iva selau e to‘afitugafulu ma le to‘atolu.
40 O le fānauga a Imere, e tasi le afe e to‘alimagafulu ma le to‘alua.
41 O le fānauga a Pasura, e tasi le afe e lua selau e fagafulu ma le to‘afitu.
42 O le fānauga a Harima, e tasi le afe e to‘asefulu ma le to‘afitu.
43 O sa Levī, o le fānauga a Iosua, ma Katameeli, o le fānauga ia a Hotavia, e to‘afitugafulu ma le to‘afa.
44 O ē pepese; o le fānauga a Asafo, e tasi le selau e fagafulu ma le to‘avalu.
45 O leoleo faitoto‘a; o le fānauga a Saluma, o le fānauga a Atere, o le fānauga a Talemoni, o le fānauga a Akupa, o le fānauga a Hatita, o le fānauga a Sopai, e tasi le selau e to‘atolugafulu ma le to‘avalu.
46 O ‘au‘auna o le malumalu; o le fānauga a Seka, o le fānauga a Hasufi, o le fānauga a Tapaota.
47 O le fānauga a Kirosa, o le fānauga a Seaa, o le fānauga a Patono,
48 O le fānauga a Lepana, o le fānauga a Hakepa, o le fānauga a Salemai,
49 O le fānauga a Hanana, o le fānauga a Kitele, o le fānauga a Gakara,
50 O le fānauga a Reaia, o le fānauga a Resina, o le fānauga a Nekota,
51 O le fānauga a Gasama, o le fānauga a Usa, o le fānauga a Pasea,
52 O le fānauga a Pesai, o le fānauga a Meunima, o le fānauga a Nefasemo,
53 O le fānauga a Pakepuka, o le fānauga a Hakupa, o le fānauga a Harekuru,
54 O le fānauga a Paselita, o le fānauga a Mekita, o le fānauga a Haresa,
55 O le fānauga o Parekusa, o le fānauga a Sesera, o le fānauga a Timaka,
56 O le fānauga a Neseka, o le fānauga a Hatifa.
57 O le fānauga a ‘au‘auna a Solomona; o le fānauga a Sotai, o le fānauga a Soferete, o le fānauga a Feruta,
58 O le fānauga o Iaala, o le fānauga a Tarekono, o le fānauga a Kitele,
59 O le fānauga a Sefatia, o le fānauga a Hatili, o le fānauga a Pokerete o le Sepaima, o le fānauga a Amoni.
60 O ‘au‘auna uma o le malumalu, ma le fānauga a ‘au‘auna a Solomona, e tolu selau e to‘aivagafulu ma le to‘alua.
61 O i latou nei na ō a‘e ai Tele-melaka, ma Tele-aresa, ma Kirova, ma Atana, ma Imere; a ‘ua latou lē mafaia ‘ona fa‘ailoa mai le ‘āiga o latou tamā, ma lo latou tupuga, pe ni Isaraelu i latou.
62 O le fānauga a Talaia, o le fānauga a Tovia, o le fānauga a Nekota, e ono selau e to‘afagafulu ma le to‘alua.
63 O le ‘au ositaulaga fo‘i; o le fānauga a Hapaia, o le fānauga a Kosa, o le fānauga a Pasili, o lē na fai avā i le tasi afafine o Pasili le Kiliata, sa igoa fo‘i o ia i lo latou igoa.
64 O i latou ia na sā‘ili‘ili o latou tusi gafa na tusia ai o latou gafa, ‘ae le‘i maua, sa ta‘ua ai i latou ‘ua leaga, ‘ua te‘a ai ma le faiva o ositaulaga.
65 ‘Ua fai atu fo‘i ‘iā te i latou le ali‘i e pule, ‘aua ne‘i latou ‘a‘ai i mea e sili ‘ona pa‘ia, se‘ia tu mai se ositaulaga ma le Urima ma le Tumema.
66 O le aofa‘i o le fa‘apotopotoga uma, e fagafulu o afe ma afe e lua ma le tolu selau ma le to‘aonogafulu;
67 a o a latou ‘au‘auna tane ma a latou ‘au‘auna fafine, e fitu afe e tolu selau e to‘atolugafulu ma le to‘afitu o i latou; sa ‘iā te i latou fo‘i o tane pepese ma fafine pepese, e lua selau ma le to‘afagafulu ma le to‘alima.
68 O a latou solofanua, e fitu selau e tolugafulu ma le ono; o a latou falata, e lua selau e fagafulu ma le lima;
69 o kamela, e fa selau ma le tolugafulu ma le lima; o asini e ono afe e fitu selau ma le luafulu.
70 O isi fo‘i o matai sili, ‘ua latou foa‘iina atu i le galuega. ‘Ua foa‘iina atu i le ‘oloa e le ali‘i e pule o tareki o auro e tasi le afe, o ipu e limagafulu, o ‘ofu tino o ositaulaga e lima selau ma le tolugafulu.
71 O isi fo‘i o matai sili, ‘ua latou foa‘iina atu i le ‘oloa mo le galuega, o tareki o auro e luafulu o afe, ma mina o ario e lua afe ma le lua o selau.
72 O mea fo‘i na foa‘iina atu e i latou ‘ua totoe o le nu‘u, o tareki o auro e luafulu o afe, ma mina o ario e lua afe, ma ‘ofu tino o ositaulaga e onogafulu ma le fitu.
73 Sa nonofo fo‘i ‘iā latou ‘a‘ai o ositaulaga, ma sa Levī, ma leoleo faitoto‘a, ma ē pepese, o isi fo‘i o le nu‘u, ma ‘au‘auna o le malumalu, ma Isaraelu uma.‘Ua o‘o fo‘i i le fitu o masina ‘ua ‘iā latou ‘a‘ai le fānauga a Isaraelu.#