10 Le tama fafine a Siona e, ‘ia e ‘alaga ma ‘ia ‘oli‘oli; auā fa‘auta, ‘ou te alu atu ma ‘ou nofo i totonu ‘iā te oe, ‘ua fetalai mai ai le ALI‘I.
11 E fa‘aopoopoina atu nu‘u ‘ese e tele i le ALI‘I i lea aso; e fai i latou mo‘u nu‘u ‘ou te nofo fo‘i i totonu ‘iā te oe ‘ona e iloa ai lea ‘ua ‘auina a‘u ‘iā te oe e le ALI‘I o ‘au.
12 E maua e le ALI‘I o Iuta, o lona tofi i le lau‘ele‘ele pa‘ia; e toe filifilia fo‘i e ia o Ierusalema.
13 Fa‘alologo ia o tagata uma i luma o le ALI‘I; auā ‘ua tula‘i mai o ia nai lona malumalu pa‘ia.#