1 ‘Ua fo‘i mai le agelu na ma tautala, ‘ua ia fafagu mai ‘iā te a‘u, e pei o le tagata ‘ua fāgua na moe.
2 ‘Ona fai mai lea o ia ‘iā te a‘u,“O le a ‘ea ‘ua e va‘aia?” ‘Ona ‘ou fai atu lea, “‘Ua ‘ou iloa, fa‘auta, o le lamepa ‘ua auro ‘ato‘atoa, ma lona tu‘ugāsuāu‘u i ona luga, mōna tu‘ugālamepa e fitu i ona luga, ma ala e ta‘ifitu i tu‘ugālamepa o lo‘o i ona luga;
3 ma olive e lua i ona tafatafa, o le tasi i le itū taumatau o le tu‘ugāsuāu‘u, ma le tasi i lona itū tauagavale.”
4 ‘Ua ‘ou toe fai atu i le agelu na ma tautala, ‘ua fa‘apea atu, “Le ali‘i e, o a ‘ea ia mea?”
5 ‘Ona tali mai lea o le agelu na ma tautala, ‘ua fa‘apea mai ‘iā te a‘u, “‘E te lē iloa ‘ea po o a mea nei?”‘Ona ‘ou fai atu lea, “Le ali‘i e, ‘ou te lē iloa.”