Mareka

¹⁴Hobane Johanne a kenngwe teronkong, Jesu a tla Galelea, a bolela Evangeli ya mmuso wa Modimo; ¹⁵a re: Nako di phethehile, mmuso wa Modimo o atametse; bakang, mme le dumele Evangeli. ¹⁶Yare ha a sika le lewatle la Galelea, a bona Simone le Andrease, ngwanabo Simone, ba akgela matlowa a bona lewatleng; hobane e ne e le ba tshwasang dihlapi. ¹⁷Jesu a re ho bona: Ntateleng, ke tla le etsa ba tshwasang batho. ¹⁸Yaba ba phakisa ba tlohela matlowa a bona, ba mo latela. ¹⁹A tswela pejana, a fihlela Jakobo, mora Sebedea, le Johanne, ngwanabo, ba rokahanya matlowa a bona sekepaneng. ²⁰Yaba o phakisa a ba bitsa; ba tlohela ntata bona Sebedea sekepaneng le ba mo sebeletsang, mme ba mo latela.