Mareka

³⁴A fodisa batho ba bangata ba jewang ke malwetse a mefutafuta, a leleka le batemona ba bangata; mme o ne a sa dumele ha batemona ba bolela hore ba mo tseba. ³⁵Yare hosasa, a tsoha e sa le kameso, a tswa tlung, mme a ya feelleng, a rapela teng. ³⁶Mme Simone le ba nang le yena ba ya mmatla. ³⁷Yare ha ba mmona, ba mmolella, ba re: Bohle ba o batla. ³⁸Jesu a re ho bona: A re yeng metseng e re teetseng hare, ke tle ke rute le teng, hobane ke tletse hona. ³⁹A nna a ruta masinagogeng a bona, naheng yohle ya Galelea, a ntse a leleka le batemona. ⁴⁰Motho ya jewang ke lepera a tla ho Jesu, a mo rapela, a kgumama ka mangwele pela hae, a re: Ha o rata, o na le matla a ho nntlafatsa.