Mareka

²Bafarisi ba tla ho yena, ba mmotsa, ka ho mo leka, hore na monna o dumeletswe ho hlala mosadi wa hae. ³A ba araba, a re: Moshe o le laetseng? ⁴Ba re: Moshe o dumetse hoba lengolo la hlalo le ngolwe, mme ho hlalwe. ⁵Jesu a ba araba, a re: O le ngoletse taelo eo ka baka la bothata ba dipelo tsa lona. ⁶Empa tshimolohong ya hlolo ya dintho tsohle, Modimo o ba entse e le e motona le e motshehadi. ⁷Ka baka leo, motho o tla tlohela ntatae le mmae, a kgomarele mosadi wa hae; ⁸ba babedi e tla ba nama e le nngwe. Ha ho le jwalo, ha ba sa le babedi, e se e le nama e le nngwe.