Mareka

²⁸Yaba Petrose o bua, a re ho yena: Bona, rona re tlohetse tsohle, mme re o latetse. ²⁹Jesu a araba, a re: Kannete ke re ho lona: Ha ho motho ya ka tlohelang ntlo, kapa banababo, leha e le bokgaitsedie, kapa ntatae, leha e le mmae, kapa bana, leha e le masimo, ka baka la ka le la Evangeli, ³⁰ya ke keng a newa ha lekgolo, jwale, mehleng ena, matlo, le banababo, le dikgaitsedi, le bommae, le bana, le masimo, hammoho le dihloriso; mme mehleng e tla tla, a newe bophelo bo sa feleng. ³¹Empa ba bangata ba pele e tla ba ba morao, mme ba morao e tla ba ba pele. ³²Ba ne ba le tseleng, ba nyolohela Jerusalema, Jesu a ntse a ba eteletse pele; ba ne ba tshohile, ba mo latela ba ntse ba tshaba. A boela a ya thoko le ba leshome le metso e mmedi, a qala ho ba bolella tse tla mo hlahela, ³³a re: Bonang, re nyolohela Jerusalema, mme Mora motho o tla neelwa baprista ba baholo le bangodi, mme ba tla mo ahlolela lefu, ba mo neele baditjhaba. ³⁴Ba tla mo soma, ba mo shape, ba mo tshwele ka mathe, ba mmolaye; mme o tla be a tsohe ka tsatsi la boraro.