Mareka

⁴Ba re: Moshe o dumetse hoba lengolo la hlalo le ngolwe, mme ho hlalwe. ⁵Jesu a ba araba, a re: O le ngoletse taelo eo ka baka la bothata ba dipelo tsa lona. ⁶Empa tshimolohong ya hlolo ya dintho tsohle, Modimo o ba entse e le e motona le e motshehadi. ⁷Ka baka leo, motho o tla tlohela ntatae le mmae, a kgomarele mosadi wa hae; ⁸ba babedi e tla ba nama e le nngwe. Ha ho le jwalo, ha ba sa le babedi, e se e le nama e le nngwe. ⁹Ka baka leo, seo Modimo o se kopantseng hammoho, se se ke sa arolwa ke motho. ¹⁰Ka tlung, barutuwa ba hae ba boela ba mmotsa hodima taba eo.