Mareka

⁴⁶Ba fihla Jeriko. Jesu ha a etswa Jeriko le barutuwa ba hae, a ena le bongata bo boholo, Bartimea, mora Timea, wa sefofu, o ne a dutse pela tsela, a kopa. ⁴⁷Ha a utlwa hoba ke Jesu wa Nasaretha, a qala ho howa le ho re: Oho, mora Davida, Jesu, nkutlwele bohloko! ⁴⁸Ba bangata ba mo kgalemela, ba re, a kgutse; a mpa a aketsa a howa, a re: Mora Davida, nkutlwele bohloko! ⁴⁹Jesu a ema, a re, a bitswe. Yaba ba bitsa sefofu, ba re ho sona: Kgothahala, o eme, o a o bitsa. ⁵⁰Yaba se lahla kobo ya sona, sa ema, sa tla ho Jesu. ⁵¹Jesu a bua, a re ho sona: O rata ha ke o etsetsang? Sefofu sa re ho yena: Rabboni, a nke ke boele ke bone. ⁵²Jesu a re ho sona: Eya, tumelo ya hao e o pholositse. Sa bona hang, sa ba sa latela Jesu tseleng.