Mareka

²a re ho bona: Eyang motsaneng oo le o lebileng; etlare le sa kena ho wona, le tla fumana petsana e holehilweng, e esong ho kallwe ke motho; e lokolleng, le e tlise. ³Ha motho a re ho lona: Le etsetsang jwalo? Le re: Morena o a e hloka; mme o tla be a phakise a e romele kwano. ⁴Yaba ba ya, ba fumana petsana e holehilwe monyako, kantle, mateanong a tsela tse pedi; mme ba e lokolla. ⁵Ba bang ho ba emeng moo, ba re ho bona: Ha le lokolla petsana eo, ke ho etsang na? ⁶Ba ba bolella jwalokaha Jesu a ba laetse; mme ba ba lesa, ba ya. ⁷Jwale ba tlisa petsana ho Jesu; ba ala dikobo tsa bona hodima yona, mme Jesu a e kalla. ⁸Ebile ba bangata ba ala dikobo tsa bona tseleng, ba bang ba rema makala difateng, mme ba a ala tseleng.