Mareka

²⁶Hobane ekare ha le sa tshwarele ba bang, Ntata lona ya mahodimong le yena a ke ke a le tshwarela ditlolo tsa lona. ²⁷Ba boela ba tla Jerusalema; mme ha a itsamaela tempeleng, ha tla ho yena baprista ba baholo, le bangodi, le baholo; ²⁸ba re ho yena: Ntho tseo o di etsa ka matla afe na? Matla ao o a neilwe ke mang, ha o etsa ntho tseo? ²⁹Jesu a mpa a re ho bona: Ke tla le botsa taba e le nngwe le nna; le nkarabe; ke tla ntoo le bolella matla ao ke etsang ntho tseo ka wona. ³⁰Kolobetso ya Johanne hleka e ne e tswa lehodimong, kapa bathong na? Nkarabeng. ³¹Mme ba eletsana hammoho, ba re: Ha re re: E ne e tswa lehodimong, o ya re: Ha ho le jwalo, ha le a ka la e dumela keng? ³²Ha re re: E ne e tswa bathong, — teng ba ne ba tshaba setjhaba, hobane bohle ba ne ba re, Johanne ke moporofeta wa sebele.