Mareka

²⁸ba re ho yena: Ntho tseo o di etsa ka matla afe na? Matla ao o a neilwe ke mang, ha o etsa ntho tseo? ²⁹Jesu a mpa a re ho bona: Ke tla le botsa taba e le nngwe le nna; le nkarabe; ke tla ntoo le bolella matla ao ke etsang ntho tseo ka wona. ³⁰Kolobetso ya Johanne hleka e ne e tswa lehodimong, kapa bathong na? Nkarabeng. ³¹Mme ba eletsana hammoho, ba re: Ha re re: E ne e tswa lehodimong, o ya re: Ha ho le jwalo, ha le a ka la e dumela keng? ³²Ha re re: E ne e tswa bathong, — teng ba ne ba tshaba setjhaba, hobane bohle ba ne ba re, Johanne ke moporofeta wa sebele. ³³Yaba ba araba, ba re ho Jesu: Ha re tsebe. Jesu a re ho bona: Le nna, nke ke ka le bolella matla ao ke etsang ntho tseo ka wona.