Mareka

¹¹Mohla ba le hulang ho le isa kahlolong, le se ke la belaela pele ka seo le tla se bolela, mme le se ke la se nahana, empa seo le tla se newa nakong yona eo, le bolele sona; hobane e ke ke ya eba lona le buang, empa e tla ba Moya o Halalelang. ¹²Ngwanabo motho o tla neela ngwanabo polaong, ntata motho a etse ngwana hae jwalo, mme bana ba tla tsohela batswadi ba bona matla, ba ba bolaye. ¹³Le tla hlouwa ke bohle ka baka la lebitso la ka; empa ya tiisetsang ho fihlela qetellong, ke yena ya tla bolokeha. ¹⁴Etlare ha le bona manyala a bofediso, a boletsweng ke moporofeta Daniele, a eme moo a sa lokelang — ya balang a lemohe — mohlang oo, ba leng Judea ba balehele dithabeng; ¹⁵ya leng hodima ntlo, a se ke a theohela tlung, a se ke a kena ho nka letho tlung ya hae; ¹⁶le ya leng naheng, a se ke a kgutlela hae ho nka kobo ya hae. ¹⁷Ho mpa ho tla ba madimabe basadi ba baimana le ba anyesang mehleng eo.