Mareka

¹⁶le ya leng naheng, a se ke a kgutlela hae ho nka kobo ya hae. ¹⁷Ho mpa ho tla ba madimabe basadi ba baimana le ba anyesang mehleng eo. ¹⁸Hape, le rapele hore paleho ya lona e se hlahe mariha. ¹⁹Hobane mehla eo e tla ba ya mahlomola ao ho esong ho ka ho bonwa a makalo haesa le tshimolohong ya hlolo, ha Modimo o ne o hlola dintho, ho fihlela jwale, mme ho ke ke ha eba teng a jwalo le ka mohla o le mong. ²⁰Le hojane Morena a sa ka a kgutshofatsa matsatsi ao, ekabeba ho ne ho ke ke ha phela motho; empa ka baka la bakgethwa bao a ba kgethileng, o kgutsofaditse matsatsi ao. ²¹Mohlang oo, ha motho a re ho lona: Bonang, Kreste o mona, kapa: Bonang, o mane, le se ke la dumela. ²²Hobane ho tla hlaha Bokreste ba bohata, le baporofeta ba bohata, mme ba tla etsa dipontsho le mehlolo, ba tle ba thetse le bona bakgethwa, hola ke ntho e ka etswang.