Mareka

²²Hobane ho tla hlaha Bokreste ba bohata, le baporofeta ba bohata, mme ba tla etsa dipontsho le mehlolo, ba tle ba thetse le bona bakgethwa, hola ke ntho e ka etswang. ²³Lona, le iponele. Bonang, ke le boleletse tsohle pele. ²⁴Empa mehleng eo, kamora mahlomola ao, letsatsi le tla fifala; kgwedi e ke ke ya kgantsha lesedi la yona; ²⁵dinaledi di tla wa lehodimong, mme tse matla tse mahodimong di tla sisinyeha. ²⁶Ke moo ba tla bona Mora motho a etla ka maru, ka matla a maholo le ka kganya. ²⁷Ke moo a tla roma mangeloi a hae, le ho bokella bakgethwa ba hae meyeng e mene, ho qala pheletsong ya lefatshe ho isa pheletsong ya lehodimo. ²⁸Ithuteng, ho lekanya ditaba ka sefate sa feiye. Lekala la sona ha le se le le bonolo, mme le se le hlahisa mahlaku, le tseba kahoo hobane lehlabula le haufi.