Mareka

³²Empa haele bakeng sa letsatsi leo le hora eo, ha ho ya tsebang, leha e le mangeloi a lehodimong, leha e le Mora, haese Ntate feela. ³³Iponeleng, le fadimehe, mme le rapele, hobane ha le tsebe mohla e tla ba nako. ³⁴Ho jwaloka motho ha a etile, a tlohetse ntlo ya hae, a neile bahlanka ba hae ditaelo tsa hae, a laetse e mong le e mong mosebetsi wa hae, mme a laetse molebedi wa monyako ho lebela. ³⁵Lebelang ke hona; hobane ha le tsebe mohla monga ntlo a tla tla, kapa mantsiboya, kapa bosiu bo boholo, kapa mokoko ha o lla, kapa kameso; ³⁶esere, ha a etla ka ho le tsometsa, a le fihlela le robetse. ³⁷Seo ke le bolellang sona, ke se bolella bohle: Lebelang!