Mareka

²⁰A araba, a re ho bona: Ke e mong wa ba leshome le metso e mmedi, yena ya kenyang letsoho le nna morifing. ²¹Haele Mora Motho, o ikela jwalokaha ho ngodilwe bakeng sa hae; empa ho madimabe motho eo, eo Mora motho a ekwang ke yena! Ho ka be ho le molemo ho motho eo, hola a se ke a tswalwa. ²²Ba re ba sa ja, Jesu a nka bohobe, mme eitse hobane a boke, a bo ngwatha, a ba nea bona, a re: Nkang, le je; hona ke mmele wa ka. ²³A ntoo nka senwelo, a leboha, a ba nea sona; mme ba nwela ho sona bohle. ²⁴A re ho bona: Hona ke madi a ka, a selekane se setjha, a tshollelwang ba bangata. ²⁵Kannete ke re ho lona: Ha ke sa tla hlola ke enwa se behwang ke morara, ho tla be ho fihle tsatsi leo ke tla se nwa se le setjha mmusong wa Modimo. ²⁶Eitse hobane ba bine dithoko, ba ya thabeng ya Mehlwaare.