Mareka

⁴⁹Ke ne ke ntse ke dula le lona ka tsatsi le leng le le leng tempeleng, ke ruta, mme ha le a ka la ntshwara; empa e le hore Mangolo a phethahale. ⁵⁰Jwale, barutuwa bohle ba mo tlohela, ba baleha. ⁵¹Mohlankana e mong o ne a mo latela, a apere kobo ya bosiu feela; bahlanka ba mo tshwara; ⁵²empa yena a ba tlohella kobo, a baleha a le feela. ⁵³Jwale ba isa Jesu ho moprista e moholo. Baprista ba baholo bohle le baholo le bangodi ba phuthehela teng. ⁵⁴Petrose yena a mo latela a le hole, a ba a kena lebaleng la moprista e moholo; a dula le bahlanka, a ikomosa mollong. ⁵⁵Jwale, baprista ba baholo le lekgotla lohle ba batla bopaki bo ka qosang Jesu, ba tle ba mmolaye; empa ha ba ka ba bo fumana.