Mareka

⁶⁰Yaba moprista e moholo o ema kahare, a botsa Jesu, a re: Na ha o arabe letho na? Seo bao ba o qosang ka sona keng? ⁶¹A mpa a kgutsa, a se ke a araba letho. Moprista e moholo a boela a mmotsa, a re ho yena: Na ke wena Kreste, Mora wa Modimo o bokwang na? ⁶²Jesu a re: Ke yena; mme le tla bona Mora motho a dutse letsohong le letona la matla a Modimo, a etla ka maru a lehodimo! ⁶³Jwale, moprista e moholo a hahola dikobo tsa hae, a re: Re sa batlelang dipaki? ⁶⁴Le utlwile nyefolo. Lona, le reng? Bohle ba mo tswa, ba re, o tshwanelwa ke lefu. ⁶⁵Yaba ba bang ba qala ho mo tshwela ka mathe, ba mo kwahela mahlo, ba mo jabela, ba re ho yena: Porofeta! Mme bahlanka ba mo otla ka dithupa. ⁶⁶Petrose a sa ntse a le katlase, lebaleng, ha fihla lekgabunyane le leng la moprista e moholo.