Mareka

¹¹Empa baprista ba baholo ba hlohlelletsa bongata hore a ba lokollele Barabase. ¹²Pilato a boela a bua, a re ho bona: Ha ho le jwalo, le rata hore ke etseng ka eo le reng ke morena wa Bajuda? ¹³Yaba ba boela ba howa, ba re: Mo thakgise! ¹⁴Pilato a re ho bona: Na o entse bobe bofe? Jwale ba totisa ho howa, ba re: Mo thakgise! ¹⁵Mme kahobane Pilato a ne a rata ho kgahlisa bongata, a ba lokollela Barabase, mme eitse hobane a shape Jesu, a mo neela ho thakgiswa. ¹⁶Bahlabani ba mo isa lebaleng, ke ho re, lekgotla le leholo, mme ba bokella sehlopha sohle. ¹⁷Ba mo apesa kobo ya purepera; ba loha mofapahlooho wa meutlwa, ba mo rwesa wona hloohong;