Mareka

¹⁴Pilato a re ho bona: Na o entse bobe bofe? Jwale ba totisa ho howa, ba re: Mo thakgise! ¹⁵Mme kahobane Pilato a ne a rata ho kgahlisa bongata, a ba lokollela Barabase, mme eitse hobane a shape Jesu, a mo neela ho thakgiswa. ¹⁶Bahlabani ba mo isa lebaleng, ke ho re, lekgotla le leholo, mme ba bokella sehlopha sohle. ¹⁷Ba mo apesa kobo ya purepera; ba loha mofapahlooho wa meutlwa, ba mo rwesa wona hloohong; ¹⁸mme ba qala ho mo dumedisa, ba re: Dumela, morena wa Bajuda! ¹⁹Ba mmata hloho ka leqala, ba mo tshwela ka mathe, ba wa ka mangwele, ba mo kgumamela. ²⁰Eitse hobane ba mo some, ba mo hlobodisa kobo ya purepera, ba mo apesa diaparo tsa hae, mme ba ya le yena ho mo thakgisa.