Mareka

¹⁸mme ba qala ho mo dumedisa, ba re: Dumela, morena wa Bajuda! ¹⁹Ba mmata hloho ka leqala, ba mo tshwela ka mathe, ba wa ka mangwele, ba mo kgumamela. ²⁰Eitse hobane ba mo some, ba mo hlobodisa kobo ya purepera, ba mo apesa diaparo tsa hae, mme ba ya le yena ho mo thakgisa. ²¹Ba qobella e mong ya fetang, a etswa masimong, hore a jare sefapano sa Jesu; e ne e le Simone wa Sirene, ntata Aleksandere le Rufuse. ²²Ba mo isa thoteng ya Golgotha; ha ho fetolwa, ke ho re, thota ya lehata. ²³Mme ba mo nea veine e tswakilweng ka mira, hore a e nwe; empa a se ke a e nka. ²⁴Ha ba mo thakgisitse, ba arolelana diaparo tsa hae, ba di laola ka lotho, ho tseba seo e mong le e mong a tla se nka.