Mareka

²Pilato a mmotsa, a re: Na o morena wa Bajuda na? A araba, a re ho yena: O boletse teng. ³Yaba baprista ba baholo ba mo qosa ka taba tse ngata. ⁴Pilato a boela a mmotsa, a re: Na ha o arabe letho na? Bona, ba o qosa ka ditaba tse ngata hakakang! ⁵Empa Jesu a se ke a araba letho, Pilato a ba a makala. ⁶Mohla mokete, o ne a ba lokollela motlamuwa e mong, eo ba mo qelang. ⁷Ho ne ho na le e mong, ya bitswang Barabase, ya holehilweng le ba bang ba entseng moferefere, ba bolaile motho moferefereng. ⁸Bongata ha bo nyolohile, ba qala ho kopa hore Pilato a etse jwalokaha a ne a ba etsetsa kamehla.