Mareka

³¹Ka mokgwa o jwalo, le bona baprista ba baholo ba buisana le bangodi ka ditshomo hodima hae, ba re: O pholositse ba bang, yena o sitwa ho ipholosa! ³²Kreste, morena wa Iseraele, a ke a theohe jwale sefapanong, re tle re bone, mme re dumele. Le ba thakgisitsweng le yena ba ne ba mo hlapaola. ³³Ha ho tlile hora ya botshelela, lefifi la eba teng lefatsheng lohle, ho fihlela hora ya boroba mono o le mong. ³⁴Ka hora ya boroba mono o le mong, Jesu a howa ka lentswe le leholo, a re: Eloi, Eloi, lamma sabakthani? Ha ho fetolwa, ke ho re: Modimo wa ka, Modimo wa ka, o ntloheletseng na? ³⁵Ba bang ho ba leng moo, ha ba utlwa, ba re: Utlwang, o bitsa Elia. ³⁶Yaba e mong o a matha, mme hobane a tlatse seponse ka asene, a se hloma leqaleng, a mo nwesa, a re: Lesang, re ke re bone ha ekaba Elia o tla tla mo fanyolla. ³⁷Empa Jesu a meketsa ka lentswe le leholo, a neela moya.