Mareka

⁶Mohla mokete, o ne a ba lokollela motlamuwa e mong, eo ba mo qelang. ⁷Ho ne ho na le e mong, ya bitswang Barabase, ya holehilweng le ba bang ba entseng moferefere, ba bolaile motho moferefereng. ⁸Bongata ha bo nyolohile, ba qala ho kopa hore Pilato a etse jwalokaha a ne a ba etsetsa kamehla. ⁹Pilato a ba araba, a re: Hleka le rata ha ke le lokollela morena wa Bajuda na? ¹⁰Hobane o ne a tseba hoba baprista ba baholo ba mo neetse yena ka baka la mona. ¹¹Empa baprista ba baholo ba hlohlelletsa bongata hore a ba lokollele Barabase. ¹²Pilato a boela a bua, a re ho bona: Ha ho le jwalo, le rata hore ke etseng ka eo le reng ke morena wa Bajuda?