Mareka

²²Hape, ha ho motho ya tshelang veine e ntjha makukeng a kgale, hobane veine e ntjha e ka phatlola makuka, mme veine ya tsholoha, le ona makuka a timela; empa veine e ntjha e tshelwa makukeng a matjha. ²³Ka tsatsi le leng, e neng e le la Sabatha, yare ha a feta hara masimo, barutuwa ba hae ba qala ho kga diqwapi ba ntse ba tsamaya. ²⁴Bafarisi ba re ho yena: Bona, ba etsetsang ka Sabatha ho sa dumellwang. ²⁵Jesu a re ho bona: Hleka ha le eso ho bale ho entsweng ke Davida, mohla a hlokang dijo, a lapile le bao a nang le bona; ²⁶kamoo a neng a kene tlung ya Modimo kateng, mehleng ya Abiathare, moprista e moholo, a ja mahobe a pontsha, a sa lokelang ho jewa, haese ke baprista ba nnotshi, a ba a fa le ba nang le yena? ²⁷Jesu a re ho bona: Sabatha a entswe ka baka la motho, motho ha a etswa ka baka la Sabatha. ²⁸Ha ho le jwalo, Mora motho ke morena le wa Sabatha.