Mareka

¹²e le hore, ha ba bona, ba bone, mme ba se ke ba bontshisa; leha ba utlwa, ba utlwe, ba mpe ba se ke ba utlwisisa; esere mohlomong, ba sokoloha, mme ba tshwarelwa dibe. ¹³A boela a re ho bona: Hleka ha le tsebe setshwantsho seo na? Ha ekaba ho jwalo, le ka tseba jwang ditshwantsho tsohle? ¹⁴Mojadi ke ya jalang lentswe. ¹⁵Ba pela tsela, moo lentswe le jalwang teng, ke bao, ereng ha ba le utlwile, Satane a phakise a tle ho bona, mme a ba amohe lentswe le jadilweng pelong tsa bona. ¹⁶Ho jwalo le ba amohetseng peo majweng; ke bao ereng ha ba utlwile lentswe, ba phakise ba le amohele ka thabo; ¹⁷ba mpa ba se na motso ka ho bona, e le ba motsotso o se okae feela; mme ha tshwenyeho le hloriso di hlaha ka baka la lentswe, ba phakise ba kgoptjwe. ¹⁸Ba amohetseng peo meutlweng, ke ba utlwang lentswe;