Mareka

²A ba ruta ditaba tse ngata ka ditshwantsho, mme thutong ya hae, a ba bolella, a re: ³Mamelang: Mojadi o ne a tswile ho ya jala. ⁴Eitse ha a ntse a jala, hlaku tse ding tsa wela pela tsela, mme dinonyana tsa tla, tsa di ja kaofela. ⁵Dihlaku tse ding tsa wela majweng, moo di se nang mobu o mongata; tsa phakisa ho mela, hobane di se na botebo ba mobu. ⁶Tsatsi ha le tjhaba, tsa pona, mme tsa etjha ke ho hloka metso. ⁷Tse ding tsa wela hara meutlwa, mme meutlwa ha e hola, ya di pupetsa, tsa sitwa ho beha dijo. ⁸Tse ding tsa wela mobung o motle, tsa beha dijo, tsa mela, tsa hola; e nngwe ya beha tse mashome a mararo, e nngwe ya beha tse mashome a tsheletseng, e nngwe ya beha tse lekgolo.