Mareka

²¹ Jesu a ntoo re ho bona: Hleka lebone le tliswa hore le bewe katlasa morula, kapa katlasa malao na? Ana hase hore le hlongwe kandelareng na? ²²Hobane ha ho letho le sephiring le sa tlo ka le hlaha pontsheng; hape, ha ho letho le patilweng, le sa tlo ka le etla pepeneneng. ²³Ha motho a ena le ditsebe ho utlwa, a utlwe. ²⁴A boela a re ho bona: Elang seo le se utlwang hloko. Tekanyo eo le lekanyang ka yona, le lona le tla lekanngwa ka yona; mme ho tla phaellelwa lona ba utlwang. ²⁵Hobane ya nang le ntho, o tla boela a newe, athe ya se nang letho, ntho eo a nang le yona o tla e amohuwa. ²⁶Yaba o re: Mmuso wa Modimo o jwaloka motho ha a jadile peo tshimong. ²⁷Leha a ka robala, leha a ka tsoha, motshehare le bosiu, peo e nne e mele, e be e hole, kamoo a sa tsebeng kateng.