Mareka

²⁷Leha a ka robala, leha a ka tsoha, motshehare le bosiu, peo e nne e mele, e be e hole, kamoo a sa tsebeng kateng. ²⁸Hobane lefatshe le imedisetsa dijo ka ho etsa ha lona: pele ke lekgaba; hamorao ke qwapi, hamorao ke dihlaku tse butswitseng qwaping; ²⁹mme dijo ha di butswitse, a phakise a kenye sekele; hobane kotulo e fihlile. ³⁰Hape a re: Mmuso wa Modimo re tla o bapisa le eng? Re ka o tshwantsha ka setshwantsho sefe? ³¹O jwaloka hlaku ya mosetareta, eo, ere ha e jalwa mobung, e leng yona e nyenyane ho dipeo tsohle tse lefatsheng. ³²Empa, ha e se e jadilwe, e hole, mme e fete meroho yohle ka boholo, e etse makala a maholo, mme dinonyana tsa lehodimo di ahe moriting wa yona. ³³A nna a ba bolella lentswe la Modimo ka ditshwantsho tse ngata tse jwalo, kamoo ba neng ba ka lokela ho utlwa kateng.