Mareka

¹¹Mohlape o moholo wa dikolobe o ne o le teng hona moo dithabeng, o fula. ¹²Batemona ba mo rapela, ba re: O re romele dikolobeng tseno, re kene ho tsona. ¹³Jesu a phakisa a ba dumella. Yaba meya e ditshila eo e kena dikolobeng; mme mohlape wa mathela selomong, wa itihela lewatleng, e batlile e eba kete tse pedi, mme tsa bipelwa lewatleng. ¹⁴Ba neng ba disitse dikolobe ba baleha, ba ya tsebisa ba motseng le ba naheng; yaba bao ba tswa ho ya bona ho hlahileng. ¹⁵Eitse ha ba fihla ho Jesu, ba bona ya neng a na le batemona ba legione a dutse, a apere, a ena le ditaba; mme ba tshaba. ¹⁶Ba neng ba bone hoo ba ba bolella kamoo ho entsweng kateng ho motho ya neng a na le batemona, le ho dikolobe. ¹⁷Yaba ba qala ho rapela Jesu, hore a tlohe naheng ya bona.