Mareka

²⁴Yaba Jesu o ya le yena, mme bongata bo boholo ba mo latela, mme ba ne ba mo hatella. ²⁵Jwale mosadi ya nang le phallo ya madi, dilemo di se di le leshome le metso e mmedi, ²⁶ya neng a utlwile tse bohloko tse ngata ka dingaka tse ngata, a qetile ntho tsa hae kaofela, empa a sa ka a thuswa le hanyenyane, feela bohloko bo nnile ba befa, ²⁷yare ha a utlwa taba tsa Jesu, a kena hara letshwele kamorao, mme a ama kobo ya hae; ²⁸hobane o ne a re: Leha nka ama kobo ya hae feela, ke tla pholoha. ²⁹Yaba hang, madi a hae a kgaotsa ho phalla, mme a ikutlwa mmeleng wa hae hobane bohloko ba hae bo fodile. ³⁰Jesu a mpa a phakisa a lemoha ka ho yena matla a tswileng ho yena, mme a reteleha hara bongata, a re: Ke mang ya amileng kobo ya ka?