Mareka

¹Mohlang oo, bongata bo boholo bo ne bo na le Jesu, mme ba ne ba hloka se jewang. Jesu a bitsa barutuwa ba hae, a re ho bona: ²Ke utlwela bongata boo bohloko, hobane matsatsi a se a le mararo ba dutse ho nna, mme ha ba na se jewang. ³Ekare ha nka ba kgutlisetsa mahae a bona ba lapile, ba ka kgathala tseleng; hobane ba bang ho bona ba tswa hole. ⁴Barutuwa ba hae ba mo araba, ba re: Ba ka batlelwa kae mahobe ao ba ka a kgorang feelleng lena? ⁵A ba botsa, a re: Le na le mahobe a makae? Ba re: A supile. ⁶Yaba o laela bongata hore bo dule fatshe; a nka mahobe a supileng, mme hobane a lebohe, a a ngwatha, a a nea barutuwa ba hae hore ba a abele batho, mme ba a abela bongata. ⁷Hape, ba ne ba na le dihlapinyana di se kaenyana; yare hobane a boke, a re, le tsona di abelwe batho.