Mareka

¹⁶A botsa bangodi, a re: Le pheile kgang ya eng le bona? ¹⁷E mong hara bongata a araba, a re: Moruti, ke tlisitse mora wa ka ho wena, o na le moya o sa bueng. ¹⁸Hohle ha o mo tshwara, o mo teanya fatshe, a ntshe makweba, a tsikitlanye meno, a omelle; ke boleletse barutuwa ba hao hore ba o leleke, ba mpa ba sitwa. ¹⁹Yaba o araba, a re: Jo! moloko o sa dumeleng, ke tla ba le lona ho isa kae? ke tla le behela pelo ho isa kae? Mo tliseng ho nna. ²⁰Ba mo tlisa ho yena. Yare ha ngwana a bona Jesu, moya wa mo sisinya ka bohale, a wa fatshe, a bidikana, a ntse a ntsha makweba. ²¹Yaba Jesu o botsa ntatae, a re: Motsotso o se o le o kae a hlahetswe ke hona hoo? A re: Ke ha a sa le monyenyane; ²²mme o mo lahletse hangata mollong le metsing, o tle o mo timetse. Empa ha o ka tseba ho thusa, re utlwele bohloko, mme o re thusa, re utlwele bohloko, mme o re thuse.